TUYO AT CHAMPORADO

Matamis at maalat, ilan lamang ‘iyan sa mga paboritong lasa ng mga Pilipino, kaya naman tayong mga Pinoy ay sobrang hilig sa Pares tulad na lamang ng dinuguan sa puto, pandesal sa kape at ang pinaka-patok na tuyo sa champorado.

                Sinong may sabing pang mahirap lang ang tuyo? Kahit nga mismo ang ilang mayayaman ay paboritong paborito ito. Paano pa kaya kung may kasama pang champorado? Masarap sa almusal at merienda at minsan ginagawa ring pang midnight snacks.

                Lalong masarap ang champorado kung may gatas at talagang bagay ito sa maalat na tuyo.

MGA SANGKAP

Sa Pagprito ng tuyo

Isang balot ng tuyo (limang piraso)

Mantika

Sa pagluto ng champorado

Kalahating kilo ng malagkit na bigas

4 cup ng tubig

¼ kilo ng asukal

Isang lata ng evap milk

PARAAN NG PAGLULUTO

                Iprito ang tuyo sa mainit ng mantika sa loob lamang sa lima o mababa pang minute.

                Isaing o pakuluan ang malagkit na bigas sa tubig, pakuluan hanggang sa maluto ang bigas.

                Kapag malambot na, ilagay ang cocoa at asukal

                Kung handa at luto na ang champorado, lagyan ito ng evap milk sa ibabaw at isawisaw ang tuyo. Napakasimple at napakadaling lutuin ang tuyo at champorado na bagay sa isa’t isa, bagay sa ating panlasa.