SIKAT NA MERYENDA TUWING TAG-ULAN

 

Tag-ulan na naman, kaya uso na naman ang baha lalo na sa metro manila at kalapit na probinsya, at siyempre kapag tag-ulan, malamig ang panahon at hinding-hindi mawawala ang mga patok na meryenda.

               Ang mga sikat na meryenda ay ang mga sumusunod, banana cue, kamote cue, turon, palamig na inumin panulak at marami pang iba.

               Patok na patok ito lalo na kapag bagong luto, mas masarap kainin at sabayan pa ng slow music at siguradong masarap na masarap ang tag-ulan mo.

               Isa ring patok na meryenda tuwing sasapit ang tag-ulan ay ang lugaw, ang lugaw na hindi lamang ito para sa mga may sakit, puwede rin ito sa mga gusting magpainit.

               Ang lugaw na ito ay puwedeng partneran ng lumpiang toge, nilagang itlog, tokwa na samahan pa ng masarap na suka, ang ilan nilalagyan din ito ng ilang laman loob tulad ng dugo at siyempre, sino ba naman ang hindi matatakam sa lugaw na may kasama pang adidas o ‘yung paa ng manok.

               Budburan lang ito ng kalamansi, patis, paminta, bawang at sang, siguradong patok na patok na ito sa inyong mga panglasa.

               Isa ring inaabangang meryenda ngayon ay ang walang katapusang hamburger, halos lahat ng sulok sa ating bansa ay may burger stand at nagtitinda sa napakamurang halaga.

               Kilalang-kilala pa rin naman ang mga tusok-tusok o ihaw-ihaw na pang meryenda, bukod sa pagiging street food, mas mabenta ito tuwing sasapit ang tag-ulan basta’t lagi lamang mainit at bagong luto ang kwek-kwek at kikiam at siguraduhing malinis lamang ang isaw at iba pa.

               Siyempre, bukod sa almusal, masarap din na meryenda ang malalambot at malalamang tinapay, kabilang na ang iba’t-ibang uri nito tulad ng putok, ensaymada, cookies, cheese bread at napakarami pang iba.

               Kaya saan ka pa, dito sa Pilipinas, basta’t may mabibilhan, siguradong kikita ka ng limpak-limpak.

*Photo credit to Pilipinas Recipes