PAGBABABAD SA COMPUTER, NAGIGING SANHI NG OBESITY?

 

Alam niyo ba na ang pagbababad sa harap ng computer ay isang dahilan kung bakit nagiging obese ang isang tao lalo na sa mga kabataan? Ang obesity ay isang medical condition na kung saan makikita ito sa katawan ng tao kung ito’y sobrang taba na.

                Ang kakulangan sa ehersisyo at hindi tamang diet ay ilan sa mga nagiging dahilan ng obesity, para maging healthy ang lifestyle, kinakailangan pangalagaan ang kalusugan sa pamamagitan ng pag-eehersisyo at pagkain ng tamang diet tulad ng gulay at prutas.

               Ayon sa ilang pag-aaral at balita, tatlo sa bawat sampung tao sa buong mundo ay obese o sobrang taba, binabase kasi tio sa timbang at tangkad ng tao.

               Karaniwan din sa mga nagiging obese sa panahon ngayon ay ang mga bata, dahil sa kawalan ng social interaction kaya kadalasan itong nangyayari, at sa paglaganap ng napakaraming gadget at internet na kung saan mas inaatupag ito ng mga kabataan.

               Kaya naman isang rason ang pagbababad sa computer at internet ang pagiging obese dahil nakakalimutan nitong mag ehersisyo at kumain ng tama.

               Bukod sa pagiging obese, possible ding lumabo ang mata ng mga madalas magbabad sa computer dahil sa radiation nito.

               Nagiging sanhi rin ito upang mawalan ng kaibigan ang mga bata at tuluyang mawalan ng social interaction sa labas ng bahay.

               Hindi masama ang mga makabagong teknolohiya, basta’t tama lang itong gagamitin at huwag na huwag itong gagamitin sa kasamaan lalo na sa inyong kalusugan.

Photo credit to Psychology Today