KWINTAS (SHORT STORY) - PART 2

Isa-isa ng bumaba ang mga estudyante sa bus na kanilang sinasakyan. Nagtungo agad sa tutuluyang kwarto ang mga ito at inayos ang mga gamit, ayon sa kanilang makakasama na ipinadala ni Mayor Salcedo, kinabukasan sila mag-e-exam sa eskwelahang kanilang papasukan at doon na rin mag-eenrol.

               “Tulungan na kita” alok ni Joshua kay Julia, “kaya ko na ‘to” wika ni Julia

               “Pare, ayaw talaga sayo ni Julia” wika ni Jun, “Akin lang siya diba?” dagdag ni Jun, “okay” sagot ni Joshua.

 

               “Magkaklase tayo sa lahat ng subject, hindi maiiwasan na magtanong ka sakin, at mag-usap tayo, kaya naman may mga rules ako na dapat mong sundin” wika ni Julia, “rules?” tanong ni Joshua, “hindi mo ba naiintindihan? Akala ko pa naman matalino ka” sambit ni Julia, “teka, bakit naman ako susunod sa rules mo, may bibig naman ako para may mapagtanungan at may sarili naman akong isip, saka ‘di ko naman kailangan ng tulong mo, akala mo kasi ikaw lang ang marunong at magaling, dati gusto kitang maging kaibigan pero sumosobra ka na ‘e” wika ni Joshua.

               Napatayo nalang si Julia at tila nagulat sa sinabi ni Joshua, sa loob ni Julia, nanghihinayang siya dahil matagal na rin naman niyang gusto si Joshua subalit kailangan niyang makipagkompetisyon para maging valedictorian kaya lagi niya itong iniiwasan.

               “Bro, nagtapat na ako kay Julia” wika ni Joshua kay Jun, “Ano? Teka, diba sinabi ko sayo na akin lang siya, hindi ka pala tunay na kaibigan! Manloloko ka!” galit na wika ni Jun, tumingin naman ng diretso si Joshua kay Jun, tinitigan niya ito ng masama at sinabing “Ayoko sa kanya! Sayong-sayo na siya, napakapangit ng pag-uugali niya”

               Bago magpasukan, naghanap muna ng mapagkakakitaan si Joshua, nag-apply siya sa isang call center at natanggap naman siya agad.

               Kada buwan, nagpapadala si Joshua sa kanyang ina ng kanyang kita subalit makalipas lamang ang dalawang buwan na pagtratrabaho ay nagresign siya dahil hindi na niya nakayanan ang panggabing schedule ng pagtratrabaho sa call center.

               Sunod-sunod din ang kamalasan na dumarating kay Joshua, gayundin sa iba pa niyang kasamahan sa scholarship ni Mayor Salcedo, may dumating kasing balita sa kanila.

               Nasa meeting ang pitong scholar ni Mayor Salcedo at dito na naihatid ang masamang balita, “Isang semester lang kayo mapag-aaral ni Mayor Salcedo, naubos kasi ang pondo sa pagpapagawa ng mga kalsada at iba bang inprastraktura” wika ng representative ng munisipyo ni Mayor Salcedo.

               Apat na ang nagkumpirma na babalik na lamang sila sa probinsiya upang doon na lang ipagpatuloy ang pag-aaral maliban kay Julia, nagdadalawang isip naman si Jun kung uuwi na rin siya gaya ng iba.

               “Brad, gusto ko na rin sumama pauwi, sasama ka ba?” Tanung ni Jun kay Joshua, sumagot naman si Joshua at sinabing “maiiwan ako rito, maghahanap na lang siguro ako ng trabaho.”

               “Sige ikaw bahala, uuwi na lang ako sa probinsya, mas sigurado ang kapalaran ko doon kaysa dito” wika ni Jun

               “Iiwan mo si Julia dito?” tanung ni Joshua

               “May pera naman ang pamilya niya, pang matrikula” sagot ni Jun

 

               Enrolment na para sa second sem at hanggang sa mga araw na iyon, naghahanap pa rin ng mapapasukang trabaho si Joshua, subalit inaalat sa paghahanap ng trabaho si Joshua.

               Habang nakaupo sa lamesa sa kanyang pinapasukang dormitoryo, walang makain at nagdadalawang isip ng bumalik na lang ng probinsiya ng may biglang kumatok sa pintuan, pinagbuksan niya ito at laking gulat niya na makita si Julia na pumunta sa dormitoryo ng mga lalaki.

               “Puwedeng pumasok?” Pakiusap ni Julia, “A’ sige“ sagot ni Joshua, “Akala ko sasama ka na sa pabalik sa probinsya, bakit nagpaiwan ka pa?” tanung ni Julia, napailing si Joshua at sinabing, “uuwi na rin ako, hindi ko naman kayang pag-aralin ang sarili ko, saka wala na akong makitang trabaho na puwede akong mag-aral ng sabay.”

               Napayuko si Julia, tila nakonsensya sa mga nagawa niya dati kay Joshua kaya naman siya ang umisip ng paraan upang makapag-enrol muli sa pangalawang semester si Joshua.

               “E’ kung mag-try out ka kaya?” pangunguna ni Julia, napakunot si Joshua at tinanong si Julia, “try out, saan?”

Itutuloy...