Nilagang Baka Para sa Pamilya (Recipe)

Gusto niyo ban g masarap na ulam at paborito ng masa? Ang sagot diyan, Isa ang nilaga sa pinaka paboritong ulam ng pamilyang Pilipino, paano ba naman? Sa sahog at sabaw pa lang ng ulam na ito, talagang ulam na.

                Ang lutong bahay na ulam na ito ang palaging handa n gating hapag-kainan. Ngunit, marami pa ring mga nanay ang hindi makuha ang masarap at tamang timpla ng napaka-malinamnam na Nilagang Baka.

                Para sa tipikal na pamilya na may miyembro na hindi bababa sa anim, narito ang mga sangkap at paraan ng pagluluto nito.

SANGKAP

Isang kilong sariwang karne ng baka

Dalawang tali ng petsay Baguio

¼ kilo ng repolyo

Tatlong piraso ng saging na saba

Isang matamis na mais

¼ na hiwa ng kalabasa

Dalawang maliit na kamote

Isang pulang sibuyas (Hatiin sa apat)

¼ na tasa ng patis

Dalawang kutsara ng asin

Betsin at paminta

Apat na baso ng tubig

Dalawang kalamansi at isang siling labuyo para sa masarap na sawsawan

PARAAN NG PAGLULUTO

Una: Pakuluan sa kulang isang oras ang sariwang baka. Habang nagpapakulo, balatan ang kalabasa at kamote at hiwain na rin sa walo ang mais (kung ito ay malaki) at isabay ito sa pinakukuluang baka.

Pangalawa: Pagkaraan ng isang oras, tingnan kung malambot na ang karne ng baka (kapag malambot na), ilagay ang gulay na petsay baguio, repolyo, sibuyas at saging na saba.

Pangatlo: Timplahan ito ng patis, asin, betsin at paminta at pakuluan muli ito sa loob ng tatlumpung Segundo.

                O diba? Napakadali lang lutuin ng paboritong ulam na pwedeng pwede ng ihain sa buong pamilya.