ONE HALF SHEET OF PAPER (SHORT STORY) - PART 3

Ito na naman, ang klase na halos matulog ang lahat sa sobrang antok kay Professor Lopez, pero bigalang nagtawag ito ng estudiyanteng humihikab na “Ikaw! Labas!” pasigaw ng Professor sa kaklase nila, nagulat ang lahat at bigla silang nagsi-ayos sa pag upo. “We’ll continue our discussions next meeting!” Ayon kay Professor Lopez, nagtaka ang lahat na hindi tinapos ng professor ang kanyang lecture at may tititra pang dalawangpung minuto ng biglang “get ½ sheet of paper, crosswise” biglang singit ng professor. Napakamot na naman ng ulo ang mga estudiyante, kaya hingian na naman sila ng papel at may nagtanong pa “sir ½?”

                Gaya nu’ng una, nagkopyahan muli sina Jayson at Joyce at siyempre ligtas na naman ang dalawa dahil natapos nila ng malinis ang kanilang pagkokopyahan. Habang naglalakad palabas ng campus, masayang nag-uusap ang dalawa at talagang napabuti na ang loob ni Jayson kay Joyce, kaya naman pinangako niya sa kanyang sarili na liligawan na niya ito bago pa mahuli ang lahat.

“A’ san ka nakatira?” Pasimpleng tanong ni Jayson

“Sa Caloocan” sagot naman ng dalaga

“A’ ahhhh, gu-gusto mo ihatid na kita?” Nauutal na tanong ni Jayson

Umiling si Joyce at biglang nagmadali ng lakad “A’ may dadaanan pa pala, kita na lang ulit tayo bukas, bye” nagmamadaling sabi ni Joyce

                Nababaliw na si Jayson, hindi na siya makakain ng maayos, hindi na rin siya makatulog, basta iisa lang ang kanyang iniisip, ayun ay si Joyce, in love na siya kaya naman naisip nitong maglakas loob na ito’y ligawan, habang nasa botanical garden ng unibersidad si Joyce, nilapitan ito ni Jayson. “Hi” pagbati ni Jayson, “Ikaw pala,” sagot ni Joyce, “Ano’ng ginagawa mo dito?” tanong ni Jayson, “a’ nagpapahangin lang”. Ilalabas na sana ni Jayson ang bulaklak at tsokolate ng may biglang “Babe, pasensiya na, ang tagal kasi magpalanas ng Professor ko sa Algebra e” singit ng isang lalaki, “okay lang babe” sagot naman ni Joyce, sabay naghalikan ang dalawa. Namutla si Jayson sa kanyang nakita, halos hindi na siya makagalaw sa kanyang kina-uupuan at tumatagaktak ang pawis sa kanyang katawan, nanikip ang kanyang dibdib at tila maiiyak na sa paghihinagpis nito. “A’ si-sige a-alis na ako Joyce” nauutal na pagpapaalam ni Jayson “a’ saglit Jayson” pagpigil ni Joyce “si Ryan nga pala, boyfriend ko, Ryan, si Jayson, kaklase ko” dagdag pa ni Joyce “A’ sige paalam” pagsingit naman ni Jayson.

                Umiiyak na naglalakad palabas ng campus si Jayson, wala na siyang paki alam kahit pinagtitinginan siya ng napakaraming tao. Nang bigla itong nahimatay sa gitna ng hallway, nagkagulo ang mga estudiyante, sumugod din ang mga gwardiya upang dalhin siya sa clinic. At doon napag-alaman na mayroong malubhang sakit si Jayson na maaari na nitong ikamatay.

                Sinundan pala ng kanilang kaklase na si Charles si Jayson nang may nakita itong hawak na bulaklak nu’ng ito’y papalabas ng klase upang ito’y i-bully, subalit naiba ang kanyang plano ng Makita niya ang dinatnan ni Jayson, nakita ni Charles ang lahat ng paghihinagpis, sumama rin ito sa mga guard upang madala sa clinic si Jayson. Walang alam ang pamilya ni Jayson sa mga nangyayare, nagdo-dormitoryo lamang si Jayson kaya wala rin itong kasama.

ITUTULOY