50 DAYS WITH JENNY (SHORT STORY) - PART 3

“Mahirap talaga magmahal no? Lalo na kapag ang taong minamahal mo ay naghihirap ngayon sa isang karamdaman na hindi mo alam kung magigising pa siya o hindi na, ngayon, hindi ko na alam ang kapalaran ng buhay” – Singit pa ni Johnny. Sumagot naman si Jenny sa kanya at sinabing “Alam mo, ang kapalaran ng buhay ay hindi hinuhulaan, dahil ang kapalaran, ginagawa ‘yan at pinaghahandaan”

                Paputol na sumagot si Johnny “Bakit? Hindi ko naman pinaghandaang mahalin ka ah, pero mahal pa rin kita, mahal na mahal pero ikaw hindi mo kaya” – “Di puwede Johnny, may mahal akong iba”

                Agad pinutol ni Johnny ang usapan at napaiyak na lamang sa kanyang narinig, sa isip-isip niya, napakalupit ng mundo, malupit ito lalo na sa mga damdaming nasasaktan, naisip niya rin na napaka unfair ng buhay.

                21th day midnight – 22th day: Hindi makatulog si Jenny, tanung niya sa sarili, tama ba ang ginawa niya, lalo niyang nasaktan ang damdamin ng iba, kaya naman labis na konsensya ang kanyang nadarama. “Dapat kasi di ko muna sinabi yung bagay na iyon!” – bulong ni Jenny sa kanyang sarili

                22th day: Nagulat si Jenny sa kanyang nakita sa kanyang pagpasok, si Johnny, nagtratrabaho at nag eencode na ng files.

“Ah, Johnny, puwede ba akong bumisita sa papa mo? Dapat di ka na lang muna pumasok” – Ika ni Ryan (Kasamahan nila sa HR) “Ah, okay lang ako, kailangan ko na kasing matapos para wala na akong poproblemahin” – “Ah ganu’n ba? Sige bisita kami sa Papa mo, kami-kami ”, “Oo naman” – Sambit ni Johnny na may ngiti sa labi.

Nakabisita ang lahat ng katrabaho niya bukod kay Jenny, hanggang ngayon kasi ay nagiguilty pa rin ito sa kanyang nagawa.

23th day: Naunang dumating sa opisina si Jenny at sumunod naman si Ryan. “Jenny, ‘bat hindi ka sumama kagabe?” – “Inuubo kasi ako” – sagot ni Jenny ng biglang bumukas ang pinto, si Johnny. Tuloy-tuloy ito sa kanyang puwesto at hindi na bumati ng Good morning kay Jenny, bagkus, kay Ryan ito bumati. “Aba, parang walang problema ah” – Nakangiting sambit ni Ryan, ngumiti lang din si Johnny at binabati nito lahat ng dumarating sa opisina pati sa kanilang boss, madalas itong ginagawa ni Johnny subalit hindi niya nakalilimutang batiin si Jenny.

24^th day – 29^th day: patuloy pa rin si Johnny sa kanyang pagpasok kahit nasa Ospital ang kanyang ama, wala namang bago sa kanyang mga ginagawa. Subalit, may napansin ang mga katrabaho ni Johnny sa kanya, naging tahimik, seryoso at hindi umaalis sa puwesto na ikinagulat nilang lahat.

30^th day: Ang balitang sobrang nagpasaya kay Johnny, nakarecover na ang kanyang ama sa pagka-stroke, kaya naman masaya itong pumasok sa opisina subalit nakita niya si Jenny na malungkot, naluluha at may pasa sa kanang braso. Nilapitan niya ito at binigyan ng panyo, “maraming salamat” – gumagaralgal na tono ng boses ni Jenny. 

ITUTULOY...