SECOND HAND PRODUCTS, MABENTANG – MABENTA

 

Sa hirap ng buhay, hindi maiwasan na ibenta ang mga naipundar na gamit tulad ng iba’t – ibang appliances, electronics, alahas at iba pang gamit na mahalaga. Basta’t kailangan ng pera, kundi mangungutang, mas pinipili ng ibenta na lamang ang iba pang mga gamit.

                Pero mas mainam kung ang mga ibebentang gamit ay yung mga hindi na ginagamit subalit mapakikinabangan pa ng iba tulad ng mga damit na mahuhusay pa, kung may sobrang appliance tulad ng telebisyon o radio na hindi naman gaanong nagagamit, maaari na itong ibenta.

                Mas pinipili ng ilan na i-post ito kung saan-saang online selling pero kung kapos naman sap era at walang access sa internet at walang magagarbong gamit, maaari itong ilako sa labas o kaya naman ialok sa mga kapitbahay upang magkaroon ng pera.

                Sa isang kalye sa Rodriguez, Rizal, matatagpuan ang mga sari-saring gamit na ibinebenta sa gilid ng kalsada, dinudumog naman ito ng mga tao dahil sa mababang presyo. Kabilang sa mga ibinebentang gamit na makikita rito ay ang bisikleta, damit, kitchen wares, appliances at iba pa.

                Kaya naman puwedeng-puwede na rin itong gawin kahit saan man, dahil ang mga Pilipino, basta’t kailangan, may paraan upang ito’y makuha. Kung mahirap ang buhay, mas madali naman para sa mga Pilipino ang mabuhay.