MUNGGO, HINDI LANG PANG-PARUSA, PANG-HAPAGKAINAN PA! (RECIPE)

-

 

Madalas, para sa mga pasaway na bata at hindi mapagsabihan, munggo ang katapat nila, oops, kaso hindi ito ipapakain, kundi ipapaluhod ito upang maramdaman ang sakit, subalit may mga gumagawa pa kaya nito upang madisiplina ang kanilang mga anak o mananatili na lamang itong isang tradisyon na kinatatakutan ng mga bata?

               Hindi lamang yan, sigurado kasing pagkatapos itong luhuran ay maaari na itong isalang sa kumukulong tubig at labugin ito sa pagluluto ng napakasarap at napakamurang ginisang munggo.

               Isa rin itong pangunahing putahe o pagkain sa mga karinderya, wika nga nila, “side dish” para sa ulam na karne at mainit na kanin, bukod sa napakamurang halaga nito, matatakam ka pa sobrang sarap nito.

               Ang munggo ay buto o sidlan ng halaman o gulay na toge na ginagawang lumpia, at marami pang iba, ang munggo ay madalas matatagpuan sa southeast Asia o timog silangang Asya na kinabibilangan ng Pilipinas.

               Isang pinoy recipe na nga ang ginisang munggo na mas sasarap kung hahaluan ng chicharon at hinimay na tinapa, tara’t alamin kung paano at kung ano ang mga sangkap na kailangang gamitin sa lutuing ito.

MGA SANGKAP

¼ na munggo, isang pakete ng chicharon, tatlong piraso ng tinapang galunggong (himayin), bawang, sibuyas, kamatis, malunggay, mantika, asin at paminta pampalasa.

PARAAN NG PAGLULUTO

               Pakuluan ang munggo hanggang sa madurog ito at umalsa, tanggalin ang mga balat ng munggo na lulutang sa pinakukuluan.

               Habang nagpapakulo, maggisa ng bawang, sibuyas at kamatis sa hiwalay na kawali, at ilagay ang chicharong baboy at tinapa.

               Kapag nalaga na ng mabuti ang munggo, at nagisa na ng gisang-gisa ang mga sangkap, ihalo na ito sa pinakukuluan at haluin lamang ng haluin.

               Lagyan ng mga pampalasa tulad ng asin at paminta

               At ‘pag luto na, ihalo na ang napakasustansiyang malunggay at maaari na itong ihain sa buong pamilya.

 


Photo credit: PanlasangPinoy.com


Comments

Post a Comment

Popular posts from this blog

PINOY SPAGHETTI (Recipe)

-
Image
Pilipino, Italyano, Amerikano, Latino, Asyano at iba pa, talaga namang  katakam-takam ang pagkaing ito lalong-lalo na sa mga tsikiting.             Paano ba naman? Simpleng handaan o espesyal na okasyon man tulad ng kasalan, kaarawan, debu, binyag at iba pa, hindi mawawala ang spaghetti sa handaan ng mga Pinoy. Kung ang bersyon ng spaghetti ng mga Italyano ay maasim at pinaghahandaan sa presentasyon, ang bersyon naman ng mga Pilipino ay matamis, sadyang mahilig kasi ang mga Pinoy sa mga matatamis na pagkain, kaya naman naisip ng mga madiskarteng Pilipino na lagyan ng asukal ang sarili nating luto ng spaghetti.             May mga lumalabas na nga ring Pinoy Spaghetti na nasa sachet o ang tinatawag na instant spaghetti (bersyon ng instant noodles / Lucky me) dahil ito sa sobrang pagkahilig nating mga Pilipino sa pagkaing ito. Isa sa mga haka-haka, kuro-kuro at kasabihan ng mga matatanda ay pampahaba raw ito ng buhay, itinuturing ito bilang food for long life kasama ng pansit, kaya
Read more

PAGTITINDA NG GULAY AT PRUTAS, TALAGANG MABENTA!

-
Image
Jericho Paul De Guzman PAGTITINDA NG GULAY AT PRUTAS, TALAGANG MABENTA!                 Masustansiya, masarap at mainam sa kalusugan, iyan ang mga katangiang tinataglay ng karamihan sa ating mga prutas at gulay na kung minsan ay hindi mabili ng mga pangkaraniwang mga Pilipino dahil sa patuloy na pagtaas ng demand at presyo nito.                 Subalit, marami ang mga sumusubok nakumita sa ganitong klaseng hanapbuhay, dahil malaki rin naman ang kinikita rito lalo na’t kung may puwesto sa palengke o sa talipapa.                 Sa palengke at talipapa kasi karaniwang natatagpuan ang mga nagtitinda ng mga ganitong klaseng bilihin kaya kung kayo’y nagbabalak na magtinda nito, siguraduhin munang humanap ng magandang puwesto na tiyak na maraming tao.                 Sa Divisoria at iba pang malalaking palengke ang bagsakan ng karamihan sa mga gulay, gayun din sa prutas kaya tiyakin din na mayroon kayong makakatulong sa pagtitinda.                 Siguradong may kikitain sa gan
Read more

IBA’T-IBANG URI NG MAKINA O ENGINE PARA SA SASAKYAN

-
Image
  Kung sasakyan ang pag-uusapan, napakaraming aspeto ang kailangan mong malaman tungkol dito, nariyan ang history nito, ang pinagmulan, ang mga parte at mga klase nito, kung pang-pribado o pang-publiko, modelo o ang kulay nito, at siyempre, ang isang importanteng aspeto tungkol sa sasakyan ay ang makina nito mismo. Kotse ang pinaka-unang papasok sa ating isipan sa tuwing pag-uusapan ang sasakyan, ayon nga sa depinisyon ng pinaka-sikat na diksyonaryo online na Wikipedia, Ang  kotse  ay isang de-makinang sasakyan na may mga gulong, kayang umandar sa sarili na ginagamit para sa transportasyon. Tama, makina ang pangunahing dahilan upang ito ay mapaandar, subalit ano-ano nga ba ang mga uri ng makina na puwede sa iyong sasakyan? Ayon sa isang website na nagtatalakay tungkol sa mga sasakyan, mayroong limang klase ng makina o engine sa ingles na karaniwang makikita sa ating mga sasakyan sa panahon ngayon. Una ay ang straight engine, mas magaan, mas maliit at karaniwang ginagamit sa mal
Read more