PAGKAKALBO, PAANO MAIIWASAN

Masakit sa ulo, kinakahiya at talagang mapapakamot ka nalang kung mawawalan ka naman ng buhok, ano nga ba ang sanhi nito at paano ito malulunasan?

                Ayon sa mga pag aaral, normal lang ang pagkaubos ng buhok lalo na sa mga kalalakihan pero paano kung bata pa lang ay nalalagas na ang inyong mga buhok? Kung ganu’n ang sitwasyon, magpakonsulta na sa doctor, baka kasi ito’y sakit na tulad ng cancer at iba pa.

                Marahil ay namamana rin ito, kung ang buong pamilya ay may ganitong kalagayan, maaaring dahil ito sa genes ng ina o kaya ng isang ama. Minsan, isinisisisi ito sa stress o masyadong kapaguran sa trabaho. May dalawang uri ang pagkalagas ng buhok ng isang lalaki, una, ang pagkaubos sa gilid ng noo pataas sa ulo at pangalawa, pag pagkawala ng buhok sa tuktok ng ulo o ang pagkapanot.

                Ayon sa ginigagawang pag aaral sa ibang bansa, normal lang sa isang tao na malagasan ng buhok sa di lalagpas sa bilang ng isang daang hibla nito, dahil kung ito’y hihigit pa roon, maaaring hindi na ito normal at magpatingin na sa Doktor. Kaya itong iwasan subalit maaari rin namang maiwasan tulad ng paggamit ng mga gamut na Minoxidil at Finasteride – ito ay para bumagal ang pagkakalbo.

                May mga ilang payo akong maibibigay sa inyo upang maiwasan at mapigilan

1. Iwasang magsuot ng mga bagay sa ulo tulad ng sombrero – nakukulob kasi ang scalp o ang anit ng ulo na nagiging sanhi ng pagkalagas ng buhok.

2. Iwasang gumamit ng mga bagay na may kemikal tulad ng shampoo at mga pampatigas ng buhok – may mga bitamina kasi na nawawala tuwing madalas ang paggamit nito.

3. Iwasang pumunta sa mga mausok at mapolusyon na lugar – ang polusyon kasi ay isa sa mga sanhi ng pagkakaroon ng dandruff na nagpapalambot sa kapit ng buhok sa anit.

4. Iwasang magpuyat at mastress

5. Ugaliing kumain ng mga masusustansyang pagkain tulad ng prutas at gulay

6. Iwasang maghiga pagkatapos maligo

                Walang masama kung susundin ang mga payong ito, hindi lang kasi ito tungkol sa buhok kundi pati na rin sa pangkalahatan ng ating kalusugan.

                May mga halamang gamot din na maaaring makatulong upang hindi makalbo agad tulad ng aloe vera, dahon ng bayabas at dahon ng malunggay – mas mainam gumamit ng na natural na bagay kaysa sa mga artificial at may halong kemikal. Pakuluan lamang an gang dahon at ipaligo ito inyong mga ulo, ayon nga sa mga matatanda, mas mainam at epektibo ito at lalong makakatulong lalong lumago ang inyong mga buhok.

                Maraming nagsasabi na kapag tayo ay nauubusan nan g buhok, sign ito di umano ng memory loss, memory gap at iba pang sakit sa utak subalit ito’y walang kinalaman sa hair loss dahil ang memory loss ay sanhi nang katandaan.

                Buhok – isa sa mga bagay na hindi natin kayang bilangin, dahil sa mga hibla nitong dikit-dikit, manipis at kung anu-ano pa, sadyang napaka-importante nito sa ating ulo dahil nagbibigay ito ng proteksyon. Pang porma, pang proteksyon at iba pa, higit na inaalagaan ng karamihan at kinaiingatan lalo na ng mga kababaihan subalit para sa mga kalalakahin, mawala man ito, okay lang bagay naman!

                Huwag ding kukutyain ang mga kalbo na sila ay masamang tao at hindi normal, dahil ang mga nag-iisip lang ng masama sa kapwa ang siyang di normal. Subalit kung hindi na nga ito normal, magpatingin na sa doctor upang siguradong healthy ang ating mga buhok.

Photo from: Hairlossgurus.com