MAPAPA – UY SA CHOP SUEY (RECIPE)

Jericho Paul De Guzman

MAPAPA – UY SA CHOP SUEY

                Gusto mo ba ng pagkaing masustansya ngayong tag – ulan? Simple lang, masustansiya na, swak na swak pa sa bulsa, chop suey lang ang sagot diyan.

                The best ang gulay sa ating mga katawan, lalong lalo na sa mga bata, at higit na nakakatuwa sa tuwing makikita nating sarap na sarap ang mga chikiting sa pagkain ng mga gulay.

                Simple lang ang paggawa ng chop suey, may simpleng sangkap lang din, swak na sa bulsa, siguradong patok pa sa buong pamilya.

(C/O: panlasangPinoy.com)

MGA SANGKAP

¼ na giniling ng baboy

¼ ng hibi (maliit na hipon)

Pinagsama – samang gulay o mayroon ding nabibiling gulay na sama – sama na per kilo

Carrots

Repolyo

Beans

Maliit na mais

Sayote

Pechay Baguio

Sibuyas at Bawang

Mantika

Oyster Sauce

Asin at paminta

Dalawang kutsara ng asukal

Corn starch

Dalawang baso ng tubig

PARAAN NG PAGLUTO

                Igisa sa mantika ang bawang at sibuyas, after magisa ng bawang at sibuyas, isama ang hibi at giniling na baboy.

                After magisa ng ilang sahog, ilagay na ang mga hiniwa – hiwang gulay at lagyan ito ng oyster sauce at pakuluan ito hanggang sa lumambot ang gulay.

                Lagyan ng tubig, at timplahan ng asin, paminta at asukal, at lagyan ng corn starch, maglagay ng maligamgam na tubig sa maliit na baso at ilagay ang corn starch sa baso at haluin ito bago ilagay sa nilulutong ulam para ito’y lumapot.

                Talagang mapapa – uy sa chop suey, sa napakasarap nitong lasa at nakatatakam na amoy, mapapa – uy ang buong pamilya.