STREET FOODS, MABENTANG MABENTA (TIPS)

STREET FOODS, MABENTANG MABENTA

Ni: Jericho Paul De Guzman

            Maasim, maanghang at matamis na sawsawan, ilan lang ang mga ‘yan sa dahilan kung bakit binabalik-balikan ang street foods tulad ng Kwek – Kwek, fishballs, squidballs, kikiam, hotdogs, chicken balls, tokneneng at marami pang iba.

            Ayon sa isang naging tindera ng mga pagkaing mabibili sa kalye, “nasa sawsawan talaga ang labanan.” – paliwanag niya pa, nasa tamang timpla ng bawat suka, tamis at paminta upang makamit ang hinihinging panglasa ng mga mamimili.

            Sa dami ng nagtitinda ngayon ng mga ganitong uri ng pagkain, hindi makakailang napakahilig ng mga Pinoy sa tinatawag na “tusok-tusok” o pagtusok ng stick sa mga pagkaing ito.

            Kahit may banta ito sa kalusugan dahil sa mga sangkap at kalinisan nito, hindi papipigil ang mga pinoy sa pagtusok ng mga ito pampalipas oras pati na rin ng gutom.

            Kadalasang mabenta ito tuwing hapon, dahil sa ganitong oras naglalabasan ang mga mamimili upang magmeryenda.

            Subalit, hindi lamang “tusok-tusok” ang maaaring ibenta, mainam din na may panulak tulad ng palamig na may iba’t ibang flavor pa tulad ng buko, buko salad, pineapple, ube pandan, sago’t gulaman, fruit salad, melon juice, abocado at napakarami pang iba.

            Subalit tandaan, kapalit ng pagbebenta ng ganitong uri ng pagkain ay ang responsibilidad, responsibilidad hindi lamang sa sarili pati na rin ang responsibilidad sa iyong consumer.

(C/O FILIPIKNOW.NET)