MURA NA, MASARAP PA PARA SA MASA (recipe)

MURA NA, MASARAP PA PARA SA MASA

Ni Jericho Paul de Guzman

                Masarap sa hapagkainan – pritong isda at talong, samahan pa ng masarap na sawsawan, ilan lamang ito sa mga pinakamasarap sa almusal, tanghalian at sa hapunan.

                Karaniwang ulam ito ng mga probinsyano subalit patok na patok rin ito para sa mga taga – metro Manila.

                Iba’t – ibang uri ng isda ang maaaring iprito, tulad na nga lang ng pambansang isda na bangus, ang paborito ng lahat na tilapia, ang malasang dalagang bukid, ang pambansang isda ng masa na galunggong at marami pang iba.

                Karaniwang ipinapareha sa pritong isda ang pritong talong, bagay na bagay kasi ang lasa nito sa isa’t – isa at nagbibigay gana sa nhapagkainan.

MGA SANGKAP

½ Kilo ng galunggong

Dalawang tali ng talong

Isang cup ng mantika

Asin

Kamatis at sibuyas para sa sawsawan

PARAAN NG PAGLUTO

Painitin ang kawali sa kalan, ganun din sa mantika, ‘pag mainit na ang mantika, ilagay na ang talong. Kapag luto na ang mga talong, isunod na ang isda.

Sa paggawa naman ng sawsawan, hiwain lamang ang kamatis at kamatis sa maliliit at lagyan ito ng asin upang lumasa.

                Napakadali lamang, at siguradong makakatipid ka pa, simple lang ang luto para sa masa, at siguradong gaganahan ka.