SIMPLENG GULAY, GAWING ESPESYAL (recipe)

-

Jericho Paul De Guzman
SIMPLENG GULAY, GAWING ESPESYAL
                Iniiwasan, kinaayawan, at talaga namang ayaw ng mga bata – ang gulay, sa panahon ngayon, napaka-pihikan ng mga chikiting sa pagpili ng pagkain lalong – lalo na ang gulay.
                Napakaimportante ng gulay sa ating katawan lalong – lalo na sa mga bata dahil sa napakaraming benepisyo ang makukuha rito, pero paano ito ihahanda sa mga batang takot at tila maduduwal tuwing makakakain ng gulay?
                Ang pangunahing gulay na kinakatakutan ng mga bata ay ang ampalaya, kakaiba kasi ang lasa nito na may pagkamapakla at mapait na hate na hate ng mga bata.
                Paano ba maitatago ang lasa nitong kay pait tuwing ihahain na sa hapagkainan? Simple lang ang sagot diyan, halina’t alamin ang mga sikretong kailangan upang maging espesyal ang simpleng gulay.
MGA SANGKAP
Isang piraso ng Ampalaya
Sibuyas
Kamatis
Dalawang itlog
¼ kilo ng giniling na baboy
Mantika
Asin, vetsin, at paminta
PARA SA SAWSAWAN
Toyo
Siling labuyo
Kalamansi
PARAAN NG PAGLUTO
Igisa sa mantika ang sibuyas at kamatis, papulahin ito at saka ilagay ang giniling na baboy.
Habang nag gigisa, tanggalin ang buto ng Ampalaya (siguraduhing malinis ang gitna nito dahil doon nanggagaling ang malaking pursyento ng mapait na lasa nito) at ibabad ito sa asin.
Pagkagisa ng giniling na baboy, ilagay na ang ampalaya, hintayin itong maluto at saka ilagay ang binating itlog at saka ito timplahan ng asin, vetsin at paminta para sa pampalasa.
Para sa sawsawan, paghaluin lang ang toyo, siling labuyo at kalamansi.
Hindi mapapansin ng mga bata ang ampalaya dahil nabalutan na ito ng itlog, at hindi na rin gaanung malalasahan ang pait nito.
O, ano pa ang hinihintay niyo? Simpleng – simple lamang ang recipe na ito at tiyak na magugustuhan pa ng mga masisiglang bata.

                 

Comments

Post a Comment

Popular posts from this blog

PINOY SPAGHETTI (Recipe)

-
Image
Pilipino, Italyano, Amerikano, Latino, Asyano at iba pa, talaga namang  katakam-takam ang pagkaing ito lalong-lalo na sa mga tsikiting.             Paano ba naman? Simpleng handaan o espesyal na okasyon man tulad ng kasalan, kaarawan, debu, binyag at iba pa, hindi mawawala ang spaghetti sa handaan ng mga Pinoy. Kung ang bersyon ng spaghetti ng mga Italyano ay maasim at pinaghahandaan sa presentasyon, ang bersyon naman ng mga Pilipino ay matamis, sadyang mahilig kasi ang mga Pinoy sa mga matatamis na pagkain, kaya naman naisip ng mga madiskarteng Pilipino na lagyan ng asukal ang sarili nating luto ng spaghetti.             May mga lumalabas na nga ring Pinoy Spaghetti na nasa sachet o ang tinatawag na instant spaghetti (bersyon ng instant noodles / Lucky me) dahil ito sa sobrang pagkahilig nating mga Pilipino sa pagkaing ito. Isa sa mga haka-haka, kuro-kuro at kasabihan ng mga matatanda ay pampahaba raw ito ng buhay, itinuturing ito bilang food for long life kasama ng pansit, kaya
Read more

PAGTITINDA NG GULAY AT PRUTAS, TALAGANG MABENTA!

-
Image
Jericho Paul De Guzman PAGTITINDA NG GULAY AT PRUTAS, TALAGANG MABENTA!                 Masustansiya, masarap at mainam sa kalusugan, iyan ang mga katangiang tinataglay ng karamihan sa ating mga prutas at gulay na kung minsan ay hindi mabili ng mga pangkaraniwang mga Pilipino dahil sa patuloy na pagtaas ng demand at presyo nito.                 Subalit, marami ang mga sumusubok nakumita sa ganitong klaseng hanapbuhay, dahil malaki rin naman ang kinikita rito lalo na’t kung may puwesto sa palengke o sa talipapa.                 Sa palengke at talipapa kasi karaniwang natatagpuan ang mga nagtitinda ng mga ganitong klaseng bilihin kaya kung kayo’y nagbabalak na magtinda nito, siguraduhin munang humanap ng magandang puwesto na tiyak na maraming tao.                 Sa Divisoria at iba pang malalaking palengke ang bagsakan ng karamihan sa mga gulay, gayun din sa prutas kaya tiyakin din na mayroon kayong makakatulong sa pagtitinda.                 Siguradong may kikitain sa gan
Read more

IBA’T-IBANG URI NG MAKINA O ENGINE PARA SA SASAKYAN

-
Image
  Kung sasakyan ang pag-uusapan, napakaraming aspeto ang kailangan mong malaman tungkol dito, nariyan ang history nito, ang pinagmulan, ang mga parte at mga klase nito, kung pang-pribado o pang-publiko, modelo o ang kulay nito, at siyempre, ang isang importanteng aspeto tungkol sa sasakyan ay ang makina nito mismo. Kotse ang pinaka-unang papasok sa ating isipan sa tuwing pag-uusapan ang sasakyan, ayon nga sa depinisyon ng pinaka-sikat na diksyonaryo online na Wikipedia, Ang  kotse  ay isang de-makinang sasakyan na may mga gulong, kayang umandar sa sarili na ginagamit para sa transportasyon. Tama, makina ang pangunahing dahilan upang ito ay mapaandar, subalit ano-ano nga ba ang mga uri ng makina na puwede sa iyong sasakyan? Ayon sa isang website na nagtatalakay tungkol sa mga sasakyan, mayroong limang klase ng makina o engine sa ingles na karaniwang makikita sa ating mga sasakyan sa panahon ngayon. Una ay ang straight engine, mas magaan, mas maliit at karaniwang ginagamit sa mal
Read more