WITH A SMILE (SHORT STORY) - PART 3

Habang nasa jeep, iniisip pa rin ni Anna ang nangyare, pero hindi niya mapigilang kiligin, pinipigilan niya ang sarili pero pakiramdam niya na Love-at-first-sight siya. Alam niyang twice na silang nagkita at napapaisip pa rin siya “ano kaya pangalan niya? Saan kaya siya nagtra-trabaho?” At kung ano-ano pang tanung sa sarili tungkol sa lalaking nakita niya.

                Kinagabihan, habang nag-aabang ng jeep na masasakyan, lumilingon-lingon siya sa paligid, ipinagdarasal na makitang muli ang lalaking dalawang gabi na niyang nakikita. Ngunit, nakasakay na siya’t lahat, wala siyang nakitang anino ng lalaking nagsauli sa kanya ng panyo.

               

Habang nakaharap sa computer, “Mr. Reyes, may meeting tayo mamaya! Don’t be late” tawag sa kanya ni Mr. Santos, Executive Manager ng company. Nag-init ang ulo nito at itinaas ang dalawang paa sa itaas ng kanyang lamesa. Habang nasa meeting, tinawag siya ni Mr. Santos, “Mr. Reyes, what can you say about this proposal?” Tumayo si Aaron at biglang umalis, nagulat ang lahat ng nasa conference room at nagtaka sa kinilos ni Aaron.

                “Nakakainis” paulit-ulit na sambit ni Aaron, alam ni Aaron na gusto siyang paalisin ni Mr. Santos sa kumpanya kaya madalas itong napag-iinitan at sinisiraan. Galit na galit na lumabas ng building si Aaron “hindi talaga siya titigil hangga’t ‘di ako natatanggal dito” bulong ni Aaron. Ang dahilan kung kaya’t gusto siyang matanggal ni Mr. Santos dahil gusto nitong makuha ng kanyang anak na si Vince ang kanyang posisyon.

                Naglakad-lakad sa labas ni Aaron, saktong namimili naman sa bangketa si Anna, nilapitan niya ito. Kinuha ni Aaron ang panyo na nahulog dahil sa pamimili ni Anna sa mga ibinebentang pitaka

                “Panyo mo.” Iniabot ni Aaron ang panyo sa dalaga ng nakasimangot

                “Ay, thank--” napatigil siya ng makita niya si Aaron.

                “Ikaw pala.” Sambit ni Anna

                “Ako nga pala si Aaron Reyes, pasensiya na kung hindi ako nakapagpakilala sayo ‘nung nakaraang gabi” pakuwari ni Aaron.

                “Ah okay lang, ako nga dapat ang humingi ng patawad sayo dahil napagkamalan kitang holduper at rapist eh,pasensiya na” nakangiting sabi ni Anna.

                Dito ka ba nagtra-trabaho? Tanung ni Aaron

                “Oo, D’yan sa kanto” sagot ni Anna “ikaw?” tanung naman niya sa binata

                “Oo, d’yan lang din ako sa ikalawang kanto” sagot ni Aaron

                “Pwede ba kitang yayaing mag-merienda?” tanung ni Aaron

                “Oo, pwede ako” sagot ni Anna

                Kahit time na ni Anna para sa trabaho, hinayaan na lamang niya ito at sumamang kumain sa isang restaurantkay Aaron.

                “Matanung ko lang, kanina pa kasi di maipinta yang mukha mo, may problema ka ba?” Tanung ni Anna.

                “Office problem lang ito, ‘wag mo ng intindihin” sagot ni Aaron

                ”Ano ka ba? Normal na ang office problems, yung mga awayan, siraan, di nawawala sa isang kumpanya ‘yan, ako nga ilang beses ng napagalitan e, minsan nga minumura pa ako ng boss ko, pero wala sa akin yun, kailangan ko ng pera eh” Sagot ni Anna

                “Kaya pala inilabas mo agad yung pera mo nung dinikitan kita?” tanung ni Aaron

                “Ayoko pang mamatay, malay ko ba kung may dala kang patalim d’yan, edi namatay pa ako, edi lalo akong nawalan ng pera” Sagot ni Anna

                Habang nasa restaurant, tinugtog ang awitin ng Eraserheads

                “Lift your head, baby, don't be scared

Of the things that could go wrong along the way

You'll get by with a smile

You can't win at everything but you can try.”

                Hindi nagtagal, nagkagaanan na ng loob bang dalawa, nagpalitan ng cellphone number, nag-ikot pa sila sa mga mall na nakapalibot sa lugar, di na nila napansin ang oras. Nakangiti at tumatawa nang muli si Aaron, ng biglang may tumawag sa telepono ni Anna.

                “Anna, galit na galit si Boss, bakit hindi ka raw pumasok ng walang paalam? Sisante ka na! Anu ba kasi nangyare at hindi ka pumasok?” Tawag mula kay Samby. Napatulala si Anna, na-shock at tila nanlumo sa narinig “Anna! Anna! Anna!” Paulit-ulit na tawag ni Samby. Ibinaba na ni Anna ang telepono na may kahalong lungkot at paghihinagpis, napaluha na lamang ito.

                “Teka, ano’ng problema?” tanung ni Aaron

                “Wala na akong trabaho!” Sagot ni Anna

                “Ano? Teka, sigurado ka ba d’yan?” tanung ni Aaron

                Napaiyak na lamang si Anna sa balikat ni Aaron, at niyakap naman ito ng binata.

ITUTULOY...