MAARING PAGKAKITAAN SA BUNGA NG MGA PUNO

 

                Sampung taon bago mamunga ang puno ng mangga, sampung taon ang paghihintay upang matikman ang napakatamis na bunga nito, subalit sulit naman ang magiging bunga nito kung aalagaan ng mabuti at magiging makabuluhan ang paghihintay.

                Tulad ng napakaraming puno ng mangga, karaniwang namumunga ito sa pagsapit ng pasko hanggang sa tag-init at bihira na lamang ito sa tag-ulan.

                Maaaring ibenta ang bawat piraso nito ng piso hanggang tatlong piso depende sa laki at puwede rin naman limang piso kada kilo mas mura kaysa sa mga humahango.

                Bukod sa puno ng Mangga, kilala ang pilipinas sa puno ng buko, sa uri ng panahon dito sa Pilipinas, marami ang naghahanap ng mga malalamig na inumin, at ang isa sa mga patok ay ang buko juice, maaari ring gawing ice candy ang laman ng bunga nito, at ibentang panlinis ng bahay ang bao nito, ang bunot.

                Kung magtatanim ng mga punong ito, siguraduhin lamang na mayroon kayong espasyo upang hindi maipit ang mga ugat nito, at maganda dapat ang lupang pagtataniman para maging maganda ang paglaki ng mga puno.

                Tandaan, ang mga puno ay mayroon ding sariling buhay tulad ng sa mga tao at hayop, kung ang tao at hayop ay kailangan ng pag-aaruga, gayundin ang sa puno upang lubos itong mapakinabangan.